Աշխարհում կորոնավիրուսով վարակվածների թիվը հասել է 1 605 793-ի: Ըստ worldometers.info/coronavirus/-ի տվյալների՝ 95 766 պացիենտ մահացել է, 357 003-ը առողջացել:
Երեկ COVID-19-ի առաջին դեպքն է գրանցվել Եմենում: Այսպիսով, երկրների թիվը, որտեղ կորոնավիրուսը թափանցել է, հասել է 210-ի:
Վերջին մեկ օրում ԱՄՆ-ում գրանցվել է կորոնավիրուսի 329 նոր դեպք, վարակվածների ընդհանուր թիվը հասել է 468 895-ի, մահացածների թիվը՝ 16 697-ի: Իսպանիայում գրանցվել է վարակման 153 222 դեպք եւ 15 447 մահ, Իտալիայում համապատասխանաբար՝ 143 626 եւ 18 279:
Ինչ վերաբերում է Հայաստանին, ապա ապրիլի 10-ին 11:00-ի դրությամբ՝ գրանցվել է կորոնավիրուսով վարակման 16 նոր դեպք: Ընդհանուր առմամբ՝ ապրիլի 10-ին հաստատվել է կորոնավիրուսի 937 դեպք: Բացասական արդյունք է գրանցվել 5160 թեստավորման դեպքում: Հիմա փաստացի բուժվում է 777 անձ: Առողջացել է 149 մարդ, մահացել է 11 պացիենտ:
Հետևեք NEWS.am Medicine-ին Facebook-ում և Twitter-ում